سامح الله ذاك الانسان بعـده مؤلـم
في غيابه موحش العمر مثل الغابـه
السياحه شي مطلـوب لكـن يعلـم
غيبته ماهي بسيطـه ولا نرضابـه
ادري ان الجو في نجد حـره مجـرم
وادري انه ماتحمل عجـاج اترابـه
الورود اللـي شذاهـا عبيروبلسـم
ودها في جو ثانـي تبـي تحيابـه
يامسافرطالع الفجـر نـوره مظلـم
والقمر ماعاد يغري غـرور احبابـه
لوعرفت الصبر مثلي عرفت العلقـم
والامل دايم بوجهـي مسكـر بابـه
ايه سافر سافر بعيـد مانتـا ملـزم
رووح لاتنشد عن الجرح وش اسبابه
عاشقك ماهـو خيالـي كثيرويحلـم
صادقٍ مادام سهره سكـن باهدابـه
حصتك في قلب مغليك ماهي اسهـم
وانت ذنبٍ يقطع الله شخـصٍ تابـه
لاتخلينـي بلاذنـب قلبـي مـعـدم
للزمان اللي علي طول كشـر نابـه
منتظروالشوق ولع بقلبـي واضـرم
وش يقول الشعر بالله ضاع اسهابـه
كنت ابشرح لك وابقول لكـن تسلـم
لاتطول دام الاحبـاب رووح احبابـه